Za minułyja sutki ŭ Homielskaj vobłaści zdaryłasia šeść tarfianych pažaraŭ na płoščy 0,76 ha, 11 lasnych pažaraŭ na płoščy 109,15 ha i piać uzharańniaŭ suchoj travy i kustoŭja na płoščy 204,12 ha.
Jak paviedamili ŭ Homielskim abłasnym upraŭleńni MNS, pavodle infarmacyi na ranicu paniadziełka, usio jašče nie patušanyja dva lasnyja pažary ŭ Chojnickim i Lelčyckim rajonach, a taksama ŭzharańnie travy i kustoŭja na terytoryi nacyjanalnaha parku «Prypiacki» ŭ Lelčyckim rajonie. Tam u tušeńni zadziejničanyja viertalot i siem parašutystaŭ-desantnikaŭ, na ziamli pracujuć pryblizna sto čałaviek z roznych arhanizacyj. Dla tušeńnia lasnych pažaraŭ u Chojnickim i Lelčyckim rajonach taksama zadziejničanaja avijatechnika, viertaloty praviali ŭžo bolš jak 200 skidavańniaŭ vady.
U rajonach, dzie harać lasy, miascovyja žychary skardziacca na mocny har u pavietry, mnohija nie vypuskajuć dziaciej na vulicu.
Smoh ad lasnych pažaraŭ dasiahnuŭ Homiela.