Siaredniaja tempieratura na hetym tydni ŭ Biełarusi budzie na 2-4 hradusy nižejšaj za normu. Ab hetym paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
«U Biełaruś pryjdzie chaładnavataje nadvorje. Paŭdniovyja viatry źmieniacca na paŭnočnyja, i ŭ našu krainu pačnie pastupać bolš chałodnaje pavietra z paŭnočnych šyrot.
Siaredniaja tempieratura budzie na 2—4 hradusy nižejšaj za normu», — rastłumačyŭ Dźmitryj Rabaŭ.
U aŭtorak nočču ŭmovy nadvorja na terytoryi Biełarusi budzie, u asnoŭnym, vyznačać frantalny raździeł, dniom u mnohich rajonach adčujecca ŭpłyŭ vobłaści pavyšanaha atmaśfiernaha cisku, sfarmiravanaj u bolš chałodnaj pavietranaj masie. Nočču na bolšaj častcy terytoryi projduć daždžy, pa paŭdniovym uschodzie čakajucca navalnicy, pry navalnicach miescami mahčyma škvalistaje ŭzmacnieńnie vietru da 15-20 m/s, mocnyja zalevy.
Dniom u niekatorych rajonach Homielskaj i Mahiloŭskaj abłaściej prahnazujucca karotkačasovyja daždžy. Tempieratura pavietra nočču składzie 6-12 hradusaŭ vyšej za nul, pa paŭdniovym uschodzie da plus 16. Dniom budzie 17—23 hradusy ciapła.
U sieradu nočču ŭ niekatorych rajonach Viciebskaj vobłaści, dniom miescami pa krainie čakajucca karotkačasovyja daždžy, mahčymy navalnicy. Tempieratura pavietra nočču składzie 5-12 hradusaŭ ciapła. Dniom prahnazujecca 14-20 hradusaŭ vyšej za nul, pa poŭdni - da plus 22.
«Z čaćviarha i da kanca tydnia nadvorje budzie vyznačać cykłon nad Bałtyjskim moram.
U krainu buduć pastupać bolš vilhotnyja i pa-raniejšamu chaładnavatyja pavietranyja masy z paŭnočnaha zachadu Jeŭropy», — raskazaŭ načalnik słužby hidramietearałahičnych prahnozaŭ.
Budzie pieravažna biez apadkaŭ u čaćvier, tolki dniom miescami pa paŭnočnym zachadzie projduć karotkačasovyja daždžy, mahčymy navalnicy.
Tempieratura pavietra nočču składzie 4-11 hradusaŭ vyšej za nul. Dniom budzie 15-22 hradusy ciapła, pa poŭdni słupki termomietraŭ padnimucca da 24 hradusaŭ.
U piatnicu nočču pieravažna pa paŭnočnym zachadzie, dniom užo na bolšaj častcy terytoryi Biełarusi prahnazujucca karotkačasovyja daždžy, miescami navalnicy. Tempieratura pavietra nočču składzie 6-13 hradusaŭ ciapła. Dniom čakajecca plus 14-21, pa paŭdniovym uschodzie - 22-25 hradusaŭ.
U vychadnyja dni palapšeńnia nadvorja čakać nie davodzicca.
U subotu i niadzielu nočču miescami, dniom na bolšaj častcy terytoryi krainy projduć karotkačasovyja daždžy, u niekatorych rajonach mahčymy navalnicy.
Tempieratura pavietra nočču składzie 6-12 hradusaŭ vyšej za nul, dniom - plus 14-21; pa ŭschodzie nočču budzie 13-15 hradusaŭ ciapła, dniom miescami da 22-25 sa znakam plus.
