Startap biełarusaŭ Kiryły Čykiejuka i Arcioma Stavienki Kino-mo trapiŭ u trojku finalistaŭ konkursu startapaŭ Pitch to Rich Virgin Media Business.
Prajekt pavietranych hałahram nabraŭ bolš za 14 tysiač hałasoŭ. U vypadku pieramohi jon moža atrymać ŭ jakaści pryzu 150 tysiač funtaŭ na markietynhavuju kampaniju i biaspłatnuju padtrymku mientaraŭ, inšyja finalisty atrymajuć 50 tysiač funtaŭ.
Ahułam u finał prajšli 9 prajektaŭ u troch katehoryjach: «Startap», «Novyja rečy» i «Rost». Pieramožcaŭ u kožnaj naminacyi vyznačać miljarder Ryčard Brensan i jaho sudziejskaja kalehija 26 červienia.
Prajekt Kino-mo daje mahčymaść pakazvać dynamičnyja kalarovyja hałahramy ŭ pavietry. Vyjava stvarajecca liniejkami śvietładyjodaŭ, što kruciacca niby vientylatar.
Sabiekošt adnoha aparata dla stvareńnia hałahramy składaje pryblizna 180 funtaŭ. Ich prapanujecca vykarystoŭvać u najpierš rekłamnych, a taksama zabaŭlalnych metach.
***
Papiaredniaja technałohija Čykiejuka i Stavienki pakazvała animavanyja karcinki na kołach rovaraŭ, jana užo vykarystoŭvajecca ŭ hetych metach u Mieksicy, Irłandyi, Japonii. Suzasnavalnik Kino-mo byŭ nazvany adnym z 30 najbolš pierśpiektyŭnych maładych biełaruskich pradprymalnikaŭ.
