Z 8 pa 18 červienia śviatyniu praniasuć pa 11 administracyjnych centrach Połacka-Hłybockaj jeparchii.
Heta padzieja stała składnikam usich mierapryiemstvaŭ, pryśviečanych Dniu pamiaci prapadobnaj (5 červienia) i prymierkavanych da 1000-hodździa śmierci śviatoha roŭnaapostalnaha kniazia Uładzimira. Ahulnaieparchijalny Chrosny chod z Kryžom Jeŭfrasińni Połackaj pačaŭsia 8 červienia paśla Boskaj liturhii ŭ Spasa-Jeŭfrasińnieŭskim žanočym manastyry. U hety ž dzień śviatynia była dastaŭlenaja ŭ Navapołack i dalej, da 18 červienia, budzie praniesienaja pa ŭsich rajonach, jakija ŭvachodziać u Połacka-Hłybockuju jeparchiju.
U Hłybokaje śviatyna prybyła z Šarkaŭščyny.
Adrodžany Kryž Jeŭfrasińni Połackaj na hałoŭnaj scenie Hłybokaha.
Jaje sustreča adbyłasia a 15.00 hadzinie na terytoryi adrodžanaha, na novym miescy (kolišni Bieraźviecki manastyr vykarystoŭvajecca siońnia pad pienitencyjarnuju ŭstanovu) Bieraźvieckaha žanočaha manastyra ŭ honar Archistratyha Božaha Michaiła, a zatym usie prysutnyja Chrosnym chodam adpravilisia ŭ kafiedralny sabor Naradžeńnia Najśviaciejšaj Baharodzicy ŭ Hłybokim, dzie a 16.00 raspačałosia Padziačnaje nabaženstva.
Paśla čaho kožny zmoh pakłanicca Kryžu vialebnaj Jeŭfrasińni Połackaj.
Śviatynia ŭ hałoŭnym pravasłaŭnym chramie Hłybokaha prabyła da nastupnaha dnia – 15 červienia.
Paśla Boskaj liturhii, jakaja pačałasia a 8.00 ranicy, znoŭ była pradstaŭlenaja mahčymaść prykłaścisia da Kryža Jeŭfrasińni Połackaj, a zatym u 11.00 usie tyja, što prysutničali na nabaženstvie, prajšlisia Chrosnym chodam da Centralnaha placa. Tut a 11.30 było adsłužana nabaženstva, a ŭ 12.30 Chrosnym chodam pa vulicy Maskoŭskaj hłybačanie pravodzili śviatyniu ŭ dalejšy šlach.
Uračystaje nabaženstva na Centralnym placy Hłybokaha.
Na ŭračystaje nabaženstva pryjšło šmat hłybačanaŭ.
Dziaŭčaty pasypajuć darohu pialostkami kvietak.
Chrosny chod pa vulicy Maskoŭskaj. Provady Kryža ŭ Dokšycki rajon.
Baciuška śvienciŭ śviatoj vadoj ŭsio, što traplala na šlachu provadaŭ Kryža.
Pieršym chramam Dokšyckaha rajona, jaki prymaŭ dalej kryž, była carkva vialikapakutnika Hieorhija Pieramožca ŭ Sitcach.
Dalej – 16 červienia – Dokšycy, dzie Kryž Jeŭfrasińni Połackaj sustreli na placy Palavoha a 17.10. Na nastupny dzień – 17 červienia – u Biahomli sustrenuć kryž u chramie Usich Śviatych, dzie adbudziecca nabaženstva i hłybokaja pašana kryžu.