Ahlad z vykarystańniem ataskopu. Fota: nmedicine.net
Minzdaroŭja dadała funkcyj učastkovym terapieŭtam u Biełarusi, raspaviała «Minsk-naviny» načalnik adździeła pieršasnaj miedycynskaj dapamohi Ministerstva achovy zdaroŭja Ludmiła Žylevič.
Biełaruskija terapieŭty majuć stać daktarami ahulnaj praktyki, jany buduć pravodzić bolš padrabiaznyja ahlady dy atrymajuć dadatkovyja instrumienty ŭ invientar.
Pa słovach Žylevič, terapieŭty atrymajuć funkcyi, padobnyja da kolišnich ziemskich daktaroŭ. Naprykład, kali ŭ pacyjenta balić vucha, terapieŭt maje ahladzieć pacyjenta z vykarystańniem ataskopu, kab vyrašyć, ci nakiroŭvać jaho da ŁORa albo inšaha śpiecyjalista, ci spravicca samastojna. Toje ž tyčycca nieŭrapatałahičnaha ci kardyjałahičnaha profilu. Takim čynam płanujecca razhruzić śpiecyjalizavanych daktaroŭ.
Minzdaroŭ pačaŭ pierapadrychtoŭku terapieŭtaŭ na bazie minskaj 39-j palikliniki, dzie dziejničaje kafiedra paśladypłomnaj adukacyi Biełaruskaj miedycynskaj akademii. Kursy doŭžacca čatyry miesiacy.
Razam z dadatkovymi instrumientami — ataskopam, nieŭrałahičnym małatočkam, partatyŭnym elektrakardyjohrafam, hlukomietram — terapieŭty atrymajuć płanšety z dostupam da bazy źviestak palikliniki i elektronnaj ambułatornaj karty pacyjenta.
Čytajcie taksama: Elektronnyja čerhi i recepty źjaviacca va ŭsich paliklinikach Minska da kanca 2015 hoda
