Pramysłovaja vytvorčaść u Biełarusi źniziłasia ŭ studzieni—mai 2015 hoda na 7,7% u paraŭnańni z anałahičnym letašnim pieryjadam, śviedčać danyja aficyjnaj statystyki.
U studzieni—mai 2015 hoda abjom pramysłovaj vytvorčaści skłaŭ 288,6 trłn. rubloŭ.
Majskija danyja śviedčać ab tym, što ŭ realnym siektary praciahvajecca źnižeńnie abjomaŭ pramysłovaj vytvorčaści. Tak, kali pa vynikach pieršaha kvartała abjom pramvytvorčaści skaraciŭsia na 7,3%, pa vynikach za studzień-krasavik — na 7,5%, to pa vynikach pracy za studzień—maj źnižeńnie ŭ pramysłovaści skłała 7,7%.
Treba adznačyć, što źnižeńnie abjomu pramysłovaj vytvorčaści nazirajecca va ŭsich halinach pramysłovaści. Tak, u hornazdabyvajučaj pramysłovaści vytvorčaść skaraciłasia na 5,6%, u apracoŭčaj — na 8,6%.
Źnižeńnie abjomu pramysłovaj pradukcyi zafiksavana ŭ šmatlikich vidach ekanamičnaj dziejnaści. U pryvatnaści, vytvorčaść charčovych praduktaŭ źniziłasia ŭ studzieni—mai na 1,6%, vytvorčaść humavych i płastmasavych vyrabaŭ — na 10%, u drevaapracoŭcy abjom vypusku pradukcyi skaraciŭsia na 3,5%, vytvorčaść mašyn i abstalavańnia źniziłasia na 29,2%, u tekstylnaj i šviejnaj vytvorčaści abjom vypusku pradukcyi skaraciŭsia na 18,6%.
Rost abjomu pramysłovaj vytvorčaści nazirajecca tolki ŭ dvuch vidach ekanamičnaj dziejnaści — za studzień-maj vytvorčaść naftapraduktaŭ i jadziernych materyjałaŭ pavialičyłasia na 1%, chimičnaja vytvorčaść — na 6,8%.
