Izrailskaja kampanija UVision prademanstravała na paryžskim aviasałonie ŭ Le-Burže 6 latalnych aparataŭ, jakija zajmajuć siaredniuju nišu pamiž bajavymi rakietami i bieśpiłotnikami, paviedamiŭ sajt flightglobal.com.
Hero 30, 70 i 120 na vystavie. Fota flightglobal.com
Siamiejstva Hero padzielenaja na 2 varyjanty — mienšyja aparaty z elektryčnymi ruchavikami i bolšyja ź bienzinavymi siłavymi ŭstanoŭkami. Jany mohuć vykarystoŭvacca adnačasova dla vyviedki i dla naniasieńnia ŭdaraŭ pa praciŭniku.
«Jany zapuskajucca jak rakiety, latuć jak bieśpiłotnyja latalnyja aparaty (BŁA), a kali identyfikujuć cel, to nanosiać dakładny ŭdar», — skazaŭ vice-prezident pa markietynhu i prodažu UVision Ošry Beron.
Navat samy maleńki aparat Hero 30 moža znachodzicca ŭ pavietry da 30 chvilin, i maje radyus dziejańnia 40 km. Masa BŁA składaje kala 3 kh pry masie bajavoj častki ŭ 500 kh. Aparat moža razhaniacca da 180 km/h i, jak paviedamlaje sajt UVision, «idealny dla źniščeńnia asabovaha składu praciŭnika».
Hero 900 — samy vialiki pradstaŭnik siamiejstva vahoj u 97kh, i jahonaj metaj źjaŭlajucca «stratehičnyja apieracyi». Jon niasie bojehałoŭku ŭ 20 kh i zdolny baražyravać u pavietry da 7 hadzin. Dalokaść dziejańnia — 250 km.
Hero 900. Fota z sajta UVision.
Rakiety-bieśpiłotniki naładavanyja elektraaptyčnymi sistemami kampanii Controp Micro Stamp i mohuć dla vyviedki vykarystoŭvacca biez paražajučaj častki. Dla takich vypadkaŭ zamiest uzbrajeńnia BŁA majuć parašuty dla biaśpiečnaj pasadki.
Vytvorca kaža, što padobnyja bieśpiłotniki mohuć zapuskacca jak ź inšych latalnych aparataŭ, hetak i z naziemnaj techniki i bajavych karabloŭ.