Usie rasijskija ŭstanovy ŭ Bielhii, za vyklučeńniem abaronienych dypłamatyčnym imunitetam, atrymali apaviaščeńnie pra aryšt ich majomaści.
tass.ru
Kampanija Yukos Universal Limited zapatrabavała aryštavać ich majomaść, bo «maje surjoznyja zaściarohi adnosna mahčymaści atrymać naležnuju jamu sumu, u pryvatnaści, z-za sistematyčnaj admovy Rasijskaj Fiederacyi vykonvać, vyniesienyja suprać jaje sudovyja rašeńni i ŭličvajučy staŭleńnie RF da hetaha rašeńnia».
Suma pazovu - kala 1,6 miljarda jeŭra. Aryšt majomaści zrobleny pa rašeńni bielhijskaha arbitražnaha suda ad 18 lipienia 2014 hoda. U abhruntavańni aryštu zhadvajecca rašeńnie JESPČ, pa jakim Rasija pavinna vypłacić byłym akcyjanieram «JUKASa» 1,86 miljarda jeŭra.
U śpisie pieraličanyja praktyčna ŭsie bujnyja banki, zarehistravanyja ŭ Bielhii, i navat takija arhanizacyi, jak «Jeŭrakantrol», jaki rehuluje pavietrany ruch nad Jeŭropaj. U im — usie rasijskija pradstaŭnictvy, akramia abaronienych imunitetam dypłamatyčnych, až da archijepiskapstva Bruselskaha i Bielhijskaha RPC, u tym liku pradstaŭnictva niedziaržaŭnych arhanizacyj i ŚMI.
***
U lipieni 2014 Jeŭrapiejski sud pa pravach čałavieka prysudziŭ byłym akcyjanieram «JUKASa» kampiensacyju ŭ 1,86 miljarda jeŭra. 16 śniežnia rašeńnie ŭstupiła ŭ siłu. Rasija pavinna na praciahu paŭhoda ažyćciavić płan pa arhanizacyi vypłat. U červieni 2015 Rada Jeŭropy zapatrabavała ad Rasii pradastavić hrafik vypłat akcyjanieram «JUKASa». U Miniuście RF zajavili, što ličać rašeńnie JESPČ biespadstaŭnym.
***
Akramia taho, na karyść «JUKASa» ŭ lipieni 2014 vynies rašeńni Traciejski sud u Haazie. Jon abaviazaŭ Rasiju vypłacić byłym akcyjanieram 50 miljardaŭ dalaraŭ.
***
Akcyjaniery «JUKASa» źviarnulisia ŭ sudy šerahu krain z metaj spahnańnia z RF hrošaj.
