Jaŭrejskija ekstremisty atakavali adnu z samych staražytnych cerkvaŭ u śviecie, jakaja znachodzicca ŭ horadzie Tabcha ŭ Izraili. Jaho padpalili i raśpisali ścieny hrafici, abraźlivymi dla chryścijan. Na ścienach Kaścioła Pamnažeńnia chlaboŭ i ryb jany pakinuli nadpisy «jazyčniki» i «łžyvyja bahi buduć zrynutyja».
pgtours.ru
Ajciec Hrehary Kolinz, kiraŭnik Ordena Śviatoha Bieniedykta ŭ Izraili, jaki źjaŭlajecca haspadarom kaścioła, zajaviŭ, što jaho naviedvajuć bolš za 5000 čałaviek. Jon taksama skazaŭ, što kaścioł budzie začynieny na praciahu bližejšych troch dzion z-za škody ad pažaru.
«Heta sumna, absalutna žudasna. Ja liču takuju ataku skiravanaj nie prosta na relihijny abjekt, a na śviatyniu i adno z samych naviedvalnych miescaŭ u Izraili», — kaža Kolinz. «Heta taksama napad na svabodu słova, demakratyju i pravy na žyćcio tut».
Kaścioł Pamnažeńnia chlaboŭ i ryb byŭ pabudavany ŭ 380 hodzie našaj ery. Jon staić na tym miescy, dzie, pavodle Biblii, Isus ździejśniŭ adzin z cudaŭ — pamnažeńnie chlaboŭ i ryb, kab nakarmić piać tysiač čałaviek. Apošniaja jaho rekanstrukcyja zaviaršyłasia ŭ 1982 hodzie. Hałoŭnaj jaho admietnaściu źjaŭlajucca mazaiki piataha stahodździa.
Kaścioł byŭ padpaleny jaŭrejskimi ekstremistami ranicaj u čaćvier, u vyniku čaho byli mocna paškodžanyja administracyjnyja i składskija pamiaškańni. Uvieś budynak byŭ prasiaknuty dymam i zabrudžany sažaj, skazaŭ pres-sakratar palicyi Izraila Miki Rozienfield.
Niekalki dobraachvotnikaŭ paciarpieli ad atručvańnia čadnym hazam, sprabujučy pahasić ahoń, pierš čym pažarnyja prybyli na miesca zdareńnia. Pažar byŭ pahašany praź niekalki hadzin paśla jaho pačatku. Na dadzieny momant niama nijakich paviedamleńniaŭ ab zatrymańniach u suviazi z hetaj spravaj.
Nahadajem, što chryścijanskija cerkvy i kaścioły byli abjektam atak jaŭrejskich ekstremistaŭ šmat razoŭ u apošnija hady. Tak, u mai 2014 hoda, Rumynskaja Pravasłaŭnaja Carkva na vulicy Chachoma-Chašlišyt u Jerusalimie była paškodžanaja ŭ vyniku takoha napadu. Tady na ścienach carkvy ekstremisty farbaj napisali «Isus — heta śmiećcie» i «Car David dla jaŭrejaŭ».
A za dva tydni pierad hetym, napiaredadni vizitu ŭ krainu Papy Rymskaha Francyska, jaŭrejskija ekstremisty zamalavali hrafici z abrazami administracyjnyja budynki Vatykana ŭ Ijerusalimie. Hrafici na iŭrycie z tekstam «Śmierć arabam, i chryścijanam, i tym, chto nienavidzić Izrail» byli naniesienyja na ścieny budynkaŭ, jakija naležali Asamblei Biskupaŭ ŭ centry Notr-Dam, u kompleksie niedaloka ad Staroha horada.
