Troje dziaciej patanuli ŭ vadajomie kala vioski Leśnikova Sieńnienskaha rajona Viciebskaj vobłaści. Trahiedyja adbyłasia 25 červienia.
112.by
Uviečary ŭ Sieńnienski RANS ad dziažurnaha fielčara pastupiła paviedamleńnie pra patanułuju dziaŭčynku, jakuju dastali z vykapanaha vadajoma hłybinioj 2 m.
Paśla prybyćcia da miesca vykliku ratavalnikaŭ pobač z vadajomam lažała dziaŭčynka biez prykmiet žyćcia, miascovyja žychary abśledavali bierahavuju liniju. Taksama na bierazie znachodzilisia rovary i asabistyja rečy traich dziaciej, na pavierchni vady nikoha nie nazirałasia.
Jak stała viadoma, z 15.00 dźvie siastry 2004 i 2006 hadoŭ naradžeńnia, vučanicy 6 i 5 kłasaŭ Studzionskaha dziciačaha sada — siaredniaj škoły i ich stryječny brat, 2003 hoda naradžeńnia, navučeniec 7 kłasa Łužaśnianskaj bazavaj škoły (haściavaŭ z baćkami ŭ ciotki) hulali kala vadajoma na adlehłaści 50 m ad bližejšych žyłych damoŭ.
112.by
Sa słoŭ miascovych žycharoŭ, ich bačyli, što jany katalisia na samarobnym płycie.
Kala 18.00 maci dziaŭčynak adpraviłasia šukać svaich dziaciej i, padyšoŭšy blizka da vadajoma, ubačyła na adlehłaści 1 m ad bieraha na pavierchni vady cieła starejšaj dački. Pačała klikać na dapamohu, adzin ź miascovych žycharoŭ padbieh i vyciahnuŭ cieła dziaŭčynki na bierah, potym vyklikali chutkuju dapamohu.
Rabotniki MNS i miascovyja žychary arhanizavali pošuki patanułych dziaciej. Na adlehłaści kala 7 m ad bieraha znojdzieny cieły zahinułych dziaciej.
