Pa dadzienych francuzskich uładaŭ, padazravany ŭ atacy na zavod zvadkavanaha hazu ŭ Francyi zrabiŭ fatahrafiju z adsiečanaj hałavoj svajho načalnika.
Hałava była zamacavanaja na varotach zavoda. Na dadzieny momant nieviadoma, dzie mienavita jon byŭ zabity.
Paviedamlajecca, što sełfi było adpraŭlena praz servis paviedamleńniaŭ WhatsApp na numar, zarehistravany ŭ Paŭnočnaj Amierycy. Asoba atrymalnika fatahrafii ustaloŭvajecca.
Napad na zavod u Sien-Kanten-Fałaŭje pablizu Lijona byŭ ździejśnieny ŭ piatnicu, 26 červienia. Supracoŭnik transpartnaj kampanii svabodna prajechaŭ na słužbovym aŭtamabili na terytoryju pradpryjemstva, paśla čaho ŭrezaŭsia ŭ hazavyja bałony, jakija stajali na vulicy. Nichto z rabotnikaŭ składa nie paciarpieŭ, adnak na miescy zdareńnia było znojdziena abiezhałoŭlenaje cieła mužčyny i isłamisckija ściahi.
Adzin z padazravanych u napadzie - 35-hadovy Jasin Sali - byŭ zatrymany. Pa słovach pradstaŭnika prakuratury Paryža, jon pakul admaŭlajecca davać pakazańni.
