Fota «Dejli telehraf».
Hrecyja ŭvodzić kantrol za kapitałam, banki zaŭtra buduć zakrytyja. Pra heta zajaviŭ premjer-ministr krainy Aleksis Cypras. U paniadziełak nie budzie pracavać i Afinskaja birža.
Hetymi zachadami ŭłady chočuć źbić chvalu paniki paśla taho jak urad krainy admoviŭsia ad dalejšaha ažyćciaŭleńnia prahramy azdaraŭleńnia finansaŭ krainy.
Lavacki ŭrad krainy praciahvaje abvinavačvać va ŭsich prablemach jeŭrapiejski Centrabank, Mižnarodny valutny fond i kiraŭnictva jeŭrapiejskich instytutaŭ.
Jeŭrapiejski Centrabank zachavaŭ padtrymku hrečaskich bankaŭ, ale abmiežavaŭ jaje pamier uzroŭniem piatnicy minułaha tydnia. A hetaha mała, bo hreki kinulisia źnimać depazity.
Čym skončycca dla Jeŭropy mahčymy vychad Hrecyi ź jeŭrazony, pakul niajasna.
«Čym spakajniej my budziem padychodzić da prablem, tym miakčejšymi buduć ich nastupstvy i tym raniej my ich pieraadolejem», — skazaŭ učora ŭ telezvarocie lavacki premjer-ministr krainy Aleksis Cypras, urad jakoha admoviŭsia ad prahramy strohaj ekanomii, jakaja była ŭmovaj praciahu atrymańnia finansavańnia Jeŭrasajuzam i MVF.
Jeŭra siońnia na azijackich biržach upaŭ na 2%.
Abmiežavańni na źniaćcio hrošaj buduć raspaŭsiudžvacca tolki na karty, vydadzienyja hrečaskimi bankami. Pa kartach zamiežnych bankaŭ hrošy abiacajuć vydavać biez abmiežavańniaŭ, kab nie adstrašyć zamiežnych turystaŭ.
