Kalandarny płan arhanizacyjnych mierapryjemstvaŭ pa padrychtoŭcy i praviadzieńni vybaraŭ prezidenta Biełarusi zaćvierdžany siońnia na pasiadžeńni Centrvybarkama Biełarusi.
Płan składajecca ź siami raździełaŭ. U pryvatnaści, u adnym ź ich skazana, što miascovyja ŭłady pavinny vyznačyć miescy, dzie zabaronieny zbor podpisaŭ, da 17 lipienia. Va ŭsich astatnich miescach pikiety buduć dazvoleny. Taksama da 17 lipienia nieabchodna zdać dakumienty na rehistracyju inicyjatyŭnych hrup pa zbory podpisaŭ.
Sam zbor podpisaŭ budzie prachodzić z 23 lipienia pa 21 žniŭnia.
Pry hetym sakratar CVK Mikałaj Łazavik udakładniŭ, što da 23 lipienia pikiety nie buduć ličycca pieradvybarnymi. Ich praviadzieńnie budzie rehulavacca zakonam ab masavych mierapryjemstvach.
Staršynia CVK Lidzija Jarmošyna dadała, što, kali na pieradvybarnych pikietach buduć źbirać podpisy nie za vyłučeńnie kandydata, a ź niejkaj inšaj metaj, to heta budzie niezakonna. «Za heta praduhledžana administracyjnaja adkaznaść», - skazała jana.
Akramia taho, pytańnie ab stvareńni vybarčych učastkaŭ pavinna być vyrašana nie paźniej za 9 žniŭnia. Śpisy hramadzian, jakija majuć prava hałasavać, pavinny być hatovy nie paźniej za 25 vieraśnia.
Rehistracyja kandydataŭ projdzie z 6 pa 15 vieraśnia, a da 26 vieraśnia na vybarčych učastkach pavinny być vyviešany płakaty ź bijahrafičnymi danymi kandydataŭ.
Zaprašeńnie pryniać udzieł u vybarach vybarščyki atrymajuć nie paźniej za 30 vieraśnia.
