Śpiecyjalisty vytvorčaha abjadnańnia «Biełarusnafta» zaviaršyli budaŭnictva samaj hłybokaj śvidraviny na terytoryi Biełarusi.
Jak pišuć na sajcie abłvykankama, hałoŭnyja zadačy budaŭnictva śvidraviny — pošuk pakładaŭ vuhlevadarodaŭ u adkładach mižsalavoha kompleksu i acenka pierśpiektyŭ naftahazanosnaści padsolevaha i vierchniepraterazojskaha kompleksaŭ u miežach Pieradrečyckaj mižsalavoj pastki.
Faktyčnaja hłybinia śvidraviny, jakaja atrymała nazvu №1 Pieradrečyckaha radovišča, skłała 6755 m (prajektnaja — 6680 m). Dla praviadzieńnia hetych rabot zakupili śpiecyjalnaje abstalavańnie, jakoje raniej u krainie nie vykarystoŭvałasia. Na bureńnie syšoŭ 901 dzień.
U ciapierašni čas hieołahi viaduć apracoŭku dadzienych, atrymanych u chodzie bureńnia, jakija buduć apublikavanyja ŭ lipieni biahučaha hoda.
Da niadaŭnich časoŭ samaj hłybokaj ličyłasia śvidravina №9001 Hieałahičnaja — 5553 m. Adznaha była dasiahnutaja 24 žniŭnia 2008 hoda.