Saudaŭski prync al-Valid zajaviŭ, što vyrašyŭ addać na dabračynnaść usie svaje hrošy, jakija aceńvajecca ŭ 32 młrd dalaraŭ.
Na śpiecyjalnaj pres-kanfierencyi prync rastłumačyŭ, što płanuje pieraličyć srodki dabračynnym arhanizacyjam u niekalki tranšaŭ.
U pieršuju čarhu prync maje namier dapamahać dabračynnym tavarystvam, jakija zmahajucca za pravy žančyn, a taksama spansujuć vyvučeńnie nievylečnych chvarob, dapamahajuć achviaram stychijnych biedstvaŭ i papularyzujuć zdarovy ład žyćcia.
Al-Valid nie ŭdakładniŭ, kali mienavita maje namier skončyć pieravod hrošaj, adznačyŭšy tolki, što praces zojmie niekalki hadoŭ. Jon nie skazaŭ, jak taki krok adabjecca na jaho asabistym dabrabycie, paviedamiŭšy tolki, što dzieci padtrymali jaho rašeńnie.
Prync al-Valid źjaŭlajecca členam saudaŭskaj karaleŭskaj siamji. Jon taksama viadomy jak bujny pradprymalnik, jaki zarabiŭ hrošy na inviestycyjnych prajektach. Prync zajmaje 22-je miesca ŭ śpisie samych bahatych ludziej u śviecie pa viersii časopisa Forbes.
