Na aziornym vostravie kala miastečka Zarasaj (paŭnočny ŭschod Litvy) 24-25 lipienia projdzie čarhovy muzyčny fiestyval Galapagai. Arhanizatary abiacajuć dva dni muzyki, zabaŭ i astraŭnoj ramantyki pad znakam viasiołaj čarapachi. Sioleta deviz Galapagai: «Bolš enierhii! Bolš fiestyvalu!».
Na čatyroch scenach možna budzie pasłuchać biełarusaŭ Trubetskoy, brytanskich elektronščykaŭ Pendulum (DJ Set & Verse), amierykanskich repieraŭ Mobb Deep i litoŭskaja indy-śpiavački Aliny Arłovaj, siarod chedłajnieraŭ hetaha hoda taksama brytanckija indy-rokiery Toploader i bitboksier The Petebox, litoŭskija repiery G&G Sindikatas i vykanaŭcy mieładyčnaha sint-popu Golden Parazyth.
Biaspłatnaja viza biez konsulskaha zboru z terminam z 23 da 26 lipienia ŭklučna vydajecca na padstavie nabytych u Biełarusi (!) imiannych kvitkoŭ na fiestyval. Kvitok na dva dni z kempinham kaštuje 700 tysiač.
Taksama prapanujecca kamfort-kvitok z namiotam na čatyroch — 1,1 młn z čałavieka, na troch — 1,15 młn, na dvaich — 1,2 młn. Nabyć kvitki možna anłajn, a taksama ŭ afłajnavych kasach i ŭ pabie «Hrafici».
Praces razhladu vizavych chadatajnictvaŭ – sproščany, tamu daviedki ź miesca pracy/navučańnia, paćvierdžańni płaciežazdolnaści nie patrabujucca.
Padača dakumientaŭ na vizu ŭ Ambasadzie Litvy ŭ Biełarusi (Minsk) i Hienieralnym konsulstvie Litvy ŭ Hrodnie. Padača ažyćciaŭlajecca tolki pa papiaredniaj rehistracyi na sajcie evas2.urm.lt. Dakumienty na vizu mohuć być taksama pradstaŭleny ŭ Vizavy centr Litvy pa mieście žycharstva (Minsk, Homiel, Hrodna, Brest). Apošni dzień padačy dakumientaŭ – 16 lipienia. Pakrokavaja instrukcyja pa atrymańni vizy jość na sajcie graffiti.by.
***
Fiestyval Galapagai prachodzić z 2011 hoda. Niekalki hod jon zapar naminavaŭsia na «Lepšy mały fiestyval Jeŭropy». U minułyja hady ad Biełarusi ŭ im brali ŭdzieł «Lapis Trubiacki», Akute, «Krambambula» i «Bieź bileta».
Nasieleny punkt Zarasaj znachodzicca ŭ 131 kiłamietry na poŭnač ad Vilni, kala miažy z Łatvijaj i Biełaruśsiu. Ad Brasłava da Zarasaja (praz Dauhaŭpiłs) – 70 km. Dajechać tudy možna na asabistym aŭto albo na ciahniku ź Vilni (da stancyi Turmantas, dalej maršrutka).
Jedźcie taksama:
30 muzyčnych festaŭ blizkaha i dalokaha zamiežža
