Videahulnia World of Warships biełaruskaj kampanii Wargaming i picierskaj kamandy Lesta Studio vyjšła sa stadyi zakrytaha testu — ciapier u jaje moža zhulać kožny achvočy.
Jak i ŭ World of Tanks, hulcy sustrenucca ŭ masavych anłajn-batalijach, ale ciapier na karablach časoŭ Druhoj suśvietnaj vajny. Hulać možna biaspłatna, ale dziejničaje anłajn-mahazin bonusaŭ.
Hulnia była anansavanaja jašče ŭ žniŭni 2011 hoda, ale dahetul znachodzicca na stadyi beta-testu.
Hulcam dastupnyja 80 eśmincaŭ, krejsieraŭ, linkoraŭ i avijanoscaŭ amierykanskaha i japonskaha fłotu. U budučyni fłatylija World of Warships budzie dapoŭnienaja savieckimi i brytanskimi karablami. Pakul dla batalij dastupnyja dziesiać łakacyj.
Virtualnaja valuta pryviazanaja da ahulnaha akaŭntu Wargaming — hrošy, układzienyja ŭ World of Tanks, — moža być vykarystanaja i ŭ «karablach» (jak kaža zasnavalnik Wargaming Viktar Kisły, płaciać kala 25% karystalnikaŭ, u siarednim z čałavieka prychodzić 25 dalaraŭ na miesiac).
Čytajcie taksama: Pieršaja biełaruskamoŭnaja hulnia «Lehiendy Ajzienvalda» vyjšła ŭ prodaž
