Hramadzianie dapamahli ŭstanavić asobu padazravaha ŭ napadzie na žančynu ŭ Minsku, i supracoŭniki milicyi apieratyŭna jaho zatrymali. Ustanoŭlena taksama jaho niepasrednaja zamiešanaść u zabojstvie mužčyny ŭ mikrarajonie Šabany, infarmuje HUUS Minharvykankama.
Jak paviedamlałasia raniej, ranicaj 25 červienia niedaloka ad hipiermarkieta «Prastor» u Šabanach byŭ znojdzieny trup 34-hadovaha budaŭnika. Pa charaktary cialesnych paškodžańniaŭ stała zrazumieła, što napiaredadni viečaram jaho mocna źbili, što i pasłužyła pryčynaj śmierci. Vyśviatleńnie akaličnaściaŭ zdareńnia i ŭstanaŭleńnia asoby złamyśnika pačali daśviedčanyja supracoŭniki kryminalnaha vyšuku MUS, HUUS Minharvykankama i Zavodskaha RUUS stalicy.
Padčas apieratyŭna-vyšukovych mierapryjemstvaŭ pastupiła infarmacyja ab napadzie na maładuju žančynu, učynienym niedaloka ad miesca zabojstva prykładna ŭ toj ža pieryjad času.
Paśla detalovaj prapracoŭki videainfarmacyi handlovaha centra i prylehłych terytoryj i sabranaj apieratyŭnaj infarmacyi było vyčleniena koła asob, jakija mahli być zamiešanymi ŭ złačynstvie. Pa dapamohu va ŭstanaŭleńni dvuch čałaviek z hetaha koła supracoŭniki milicyi pa čarzie źviartalisia da hramadzian. Srodki masavaj infarmacyi i šerah internet-partałaŭ raźmiaścili hetu infarmacyju, u vyniku čaho ad hramadzian pastupili źviestki, dziakujučy jakim supracoŭniki kryminalnaha vyšuku zmahli ŭstanavić asoby tych, kaho adšukvajuć. Adzin ź ich, jak vyśvietliłasia, nie mieŭ dačynieńnia da złačynstvaŭ, druhi zaraz źjaŭlajecca padazravanym.
Heta 29-hadovy niepracujučy žychar Puchavickaha rajona Minskaj vobłaści, raniej sudzimy za rabavańnie. Viečaram 1 lipienia pry siłavoj padtrymcy bajcoŭ śpiecpadraździaleńnia «Ałmaz» MUS i SOBR unutranych vojskaŭ jon byŭ zatrymany pa miescy žycharstva.
Viadoma, što zabojstva było ŭčyniena z karyści — kab zavałodać majomaściu. Zdabyčaj stali załaty zaručalny piarścionak i mabilny telefon.
Zatrymany źmieščany ŭ izalatar časovaha ŭtrymańnia. Pravodzicca rasśledavańnie.
