Pryznačanaja novaja pasoł Vialikabrytanii ŭ Biełarusi — Fiona Hib.
Jana pačnie pracavać u studzieni 2016 hoda, paviedamlaje sajt urada Złučanaha karaleŭstva.
Na hetaj pasadzie Fiona Hib źmienić Brusa Bakneła, jaki kiruje pracaj brytanskaha pasolstva ŭ Minsku ź lipienia 2012 hoda.
«Dla mianie vialiki honar być pryznačanaj pasłom Jaje Vialikaści ŭ Biełarusi, — cytuje Hib sajt brytanskaha ŭrada. — Ja ź nieciarpieńniem čakaju taho momantu, kali pačnu pracavać ź biełaruskim uradam i niedziaržaŭnymi arhanizacyjami pa šyrokim kole pytańniaŭ, u tym liku źviazanych z vyrašeńniem prablem, ź jakimi my usie sutykajemsia ŭ imknieńni da dabrabytu, ustanaŭleńnia biaśpieki i vykanańnia pravoŭ čałavieka ŭ Jeŭropie i za jaje miežami».
Fiona Hib pačała pracu ŭ MZS Vialikabrytanii ŭ 1990 hodzie. Pracavała ŭ Hiermanii, Ukrainie, Samali, Iraku, Jiemienie. Da pryznačeńnia pasłom u Biełarusi zajmała pasadu namieśnika kiraŭnika adździeła MZS pa prajektach u palityčnych, kulturnych śfierach i śfiery biaśpieki.
