Na minułym tydni ŭ Hrodnie adbyłasia sustreča ź imaviernaj kandydatkaj na pasadu prezidenta ad «Havary praŭdu» i Partyi BNF Taćcianaj Karatkievič.
Na sustrečy prahučała pytańnie pra dekamunizacyju krainy, znoŭ aktualnaje paśla padziejaŭ va Ukrainie:
«Treba pavažać usie etapy historyi, – ličyć Karatkievič, – nie treba ničoha vykreślivać. Bo jość ludzi, jakija i heta (kamunizm – aŭt.) pavažajuć, jany majuć svaje pačućci. A pierajmienavańnie vulicaŭ – nie takaja tannaja sprava. Tamu ŭ Miensku kampanija «Havary Praŭdu» zmahałasia mienavita za pierajmienavańnie Ŭljanaŭskaj – tam damoŭ mała. Ja žyvu na vulicy imia čyrvonaarmiejca Asanalijeva i ciešusia, što viedaju, chto heta taki».
Užo naprykancy prahučała pytańnie, maŭlaŭ, ci pahadziłasia b pretendent na kandydata ŭ prezidenty Karatkievič zaniać miesca ŭ ministerstvie ci ŭ prezidenckaj administracyi ŭzamien na źniaćcie kandydatury, kali b atrymała padobnuju prapanovu.
«Pahadziłasia b, bo heta całkam układajecca ŭ ideju «Narodnaha refierendumu» pra mirnyja pieramieny», – adkazała Taćciana.
Usiaho na sustrečy prysutničała niekalki dziasiatkaŭ haradziencaŭ. Paśla zakančeńnia dyskusii kaardynatar inicyjatyŭnaj hrupy Taćciany pa Haradzienščynie Źmicier Bandarčuk zaklikaŭ prysutnych zapaŭniać zajaŭki i dałučacca. U 2010-m Bandarčuk byŭ kiraŭnikom štabu Niaklajeva pa Haradzienskaj vobłaści.
