 |
«Ci isnuje niejkaja inšaja nacyja na planecie, ad jakoj [vialikija dziaržavy] patrabujuć admovicca ad svajoj identyčnaści, admovicca ad svaich bratoŭ u Kosavie», — zajaviŭ na mitynhu premjer‑ministar Sierbii Vaisłaŭ Kaštunica.
«Nichto ŭ Serbii nikoli nie atrymaje prava pahadzicca na heta», — skazaŭ jon.
Kaštunica zaklikaŭ ustrymlivacca ad luboha hvałtu ŭ baraćbie za terytaryjalnaje adzinstva Serbii.
Sotni tysiačaŭ ludziej sabralisia na akcyju pratestu suprać deklaracyi niezaležnaści Kosava pierad budynkam parlamentu Serbii ŭ Białhradzie. Demanstracyju zładziŭ urad krainy.
Serbskaja čyhunka prapanoŭvała biaspłatnyja bilety tym, chto kiravaŭsia ŭ stalicu, a Ministerstva adukacyi abviaściła, što ŭ čaćvier buduć začynienyja ŭsie škoły.
Na mitynhu vystupili nia tolki pradstaŭniki ŭradu, ale i lider nacyjanalistyčnaj Serbskaj Radykalnaj partyi, a taksama znakamityja tenisisty, baskietbalisty, śpievaki.
U toj ža čas na miažy z Kosava niekalki socień serbaŭ palili aŭtamabilnyja apony i zakidvali kamianiami kosaŭskich palicejskich.
U pamiežnym Mierdare adbylisia sutyknieńni pamiž 300 byłyi sierbskimi vajskoŭcami i specpadraździaleńniami kosaŭskaj palicyi. Napiaredadni kala tysiačy sierbaŭ z abodvuch bakoŭ novaj miažy razhramili i spalili dva inšyja pamiežnyja prapusknyja punkty — Bańja i Jaryńja.
Masavyja biasčynstvy razharnulisia i ŭ stalicy Serbii.
Hrupa demanstrantaŭ — niekalki tysiačaŭ čałaviek u šalikach futbolnych fanataŭ — adkałołasia ad mitynhu.
U budynku ŭ toj momant nikoha nie znachodziłasia, i jano nie achoŭvałasia. Demanstranty pavalili budki achovy, praleźli da budynku, vysadzili dźviery, zaleźli ŭ siaredzinu. Z vakon palacili papiera i mebla. Z fłahštoku byŭ sarvany amerykanski ściah, paśla pajšoŭ dym. Adzin z budynkaŭ vyharaŭ daščentu. Paśla na papiališčy znajšli adzin trup. Amerykanskija dyplamaty zajavili, što nichto nie paciarpieŭ. Miarkujecca, što zahinuć moh niećviarozy ŭdzielnik pratestaŭ. Byli taksama ździejśnieny napady na pasolstvy Charvatyi, Bośnii, Turcyi. Raźjušany natoŭp sarvaŭ ściah, što visieŭ nad uvachodam u tureckuju ambasadu, spaliŭ jaho i ŭźniaŭ serbski. U pasolstvie Bośnii i Hiercahaviny vybili šyby. Palicyja tolki pad noč zdoleła raśsiekčy natoŭp i navieści paradak. Pad šumok byli razrabavanyja dziasiatki kramaŭ, spalenyja i pabityja aŭtamabili. 132 čałavieki byli paranienyja. 196 čałaviek byli zatrymanyja.
Prezydent Tadzič asudziŭ akty hvałtu: hvałt škodzić Serbii, tolki mirnym šlacham my možam dakazać svaju racyju, zajaviŭ jon. U časie mitynhu jon znachodziŭsia ź vizytam u Rumynii, krainie, jakaja nie pryznała niezaležnaści Kosava.
Dziarždepartament ZŠA zapatrabavaŭ ad serbskich uładaŭ tłumačeńniaŭ. Asudziła biasčynstvy i Rada Biaśpieki AAN. Amerykanskija dyplamaty taksama zajavili, što achoŭniki pasolstva, marskija piechacincy, dziejničali ŭ adpaviednaści ź instrukcyjami i zdoleli zachavać usie sakretnyja dakumenty.
