Ranicaj 7 lipienia na stancyi mietro «Kuncaŭščyna» ŭ Minsku byŭ zatrymany supracoŭnik vydaviectva «Knihazbor» Mirasłaŭ Łazoŭski.
Jak paviedamili «Našaj Nivie» ŭ «Knihazbory», padstavaj dla zatrymańnia stała apranutaja na Łazoŭskim padarunkavaja majka bataljona «Azoŭ», kuplenaja im u Kijevie.
Jak raskazaŭ Łazoŭski, pytańni vyklikała i kniha Viktara Kaźko «Čas źbirać kości», što pieramahła sioleta ŭ prestyžnaj premii Hiedrojca. Supracoŭniki milicyi skazali, što z dadzienym vypadku treba razabracca nakont «padryŭnoj litaratury».
Milicyja napačatku prapanavała kaleham Łazoŭskaha, jakija źviarnulisia na stancyju, «dačakacca pryjezdu načalnika», a potym paraiła naŭprost źviartacca ŭ sud pa miescy zatrymańnia (h.zn. sud Frunzienskaha rajona).
***
U vyniku Mirasłaŭ Łazoŭski aštrafavany na 360 tys. rubloŭ (2 bazavyja vieličyni) za «niecenzurnuju łajanku» ŭ hramadskim miescy.
