Hienieralny prakuror Ukrainy źviarnuŭsia ŭ Viarchoŭny sud krainy z prośbaj sankcyjanavać aryšt 276 sudździaŭ u Krymie.
Nahladnaje viedamstva nahadvaje na svaim sajcie, što ŭ dačynieńni da hetych sudździaŭ viaducca kryminalnyja spravy ab dziaržaŭnaj zdradzie.
22 maja 2015 hoda prakuratura nakiravała padślednym sudździam ŭ Krymie apaviaščeńnie pra toje, što jany padazrajucca ŭ ździajśnieńni złačynstva. Tady Hienieralnaja prakuratura adznačyła, što hetyja asoby, parušyŭšy prysiahu sudździ, paśla anieksii Kryma Rasijaj pierajšli na słužbu ŭ sudy, «niezakonna stvoranyja krainaj-ahresaram».
Cynizmam nazvała prakuratura toj fakt, što na praciahu 2014 krymskija sudździ, prymajučy rašeńni «imiem Rasijskaj Fiederacyi», zmacoŭvali ich hierbavaj piačatkaj Ukrainy.
