Zavod hidraizalacyjnych materyjałaŭ pad Homielem płanujecca adkryć 23 lipienia. Pra heta zajaviŭ kiraŭnik chołdynhu «Pienietron-Rasija» Ihar Čarnahałoŭ padčas dziełavoha abiedu z udziełam hubiernatara Śviardłoŭskaj vobłaści Jaŭhiena Kujvašava i delehacyi Biełarusi, jaki adbyŭsia na vystavie «Inaprom-2015», paviedamlajecca na sajcie pasolstva Biełarusi ŭ Rasii.
«Heta ŭnikalny vypadak, kali taki składany prajekt całkam realizavany ŭsiaho za adzin hod. Zavod užo vypuściŭ probnuju partyju pradukcyi. I siońnia my rychtujemsia da ŭračystaha adkryćcia vytvorčaści. Jano zapłanavana na 23 lipienia», - adznačyŭ Ihar Čarnahałoŭ. Jon padziakavaŭ kiraŭnictvu Biełarusi za sadziejničańnie ŭ realizacyi prajekta i vykazaŭ hatoŭnaść zabiaśpiečyć usie budoŭli krainy jakasnaj hidraizalacyjaj.
Damoŭlenaści ab budaŭnictvie zavoda hidraizalacyjnych materyjałaŭ Pienietron ŭ Biełarusi byli dasiahnutyja hod tamu na vystavie «Inaprom-2014». Mahutnaść pradpryjemstva, jakoje pabudavana ŭ vakolicach Homiela, składaje 10 tys. ton hatovaj pradukcyi ŭ hod.
