Biarozaŭskija pravaabaroncy padali ŭ rajvykankam zajavu na praviadzieńnie dvuch pikietaŭ: 27 lipienia - u hadavinu abviaščeńnia Dekłaracyi ab niezaležnaści i 25 žniŭnia, kali Dekłaracyi byŭ nadadzieny status kanstytucyjnaha zakona.
Jak paviedamlaje sajt pravaabaroncaŭ spring96.org, pikiety zajaŭleny na centralnym stadyjonie, u śpiecyjalna adviezienym uładami miescy z 18 da 19 hadzin z udziełam 10 čałaviek.
Nijakich inšych metaŭ u svaich zajaŭkach pravaabaroncy nie pakazvali, ale nie mocna spadziajucca na stanoŭčaje rašeńnie čynoŭnikaŭ. Jak adznačajuć pravaabaroncy, «na praciahu mnohich hadoŭ čynoŭniki pa roznych pryčynach admaŭlali im, a taksama inšym hramadska-palityčnym aktyvistam u pravie na praviadzieńnie mirnych schodaŭ i vykazvańnie svaich mierkavańniaŭ».
