Alaksandr Łukašenka pavinšavaŭ rabotnikaŭ padatkovych orhanaŭ z prafiesijnym śviatam i 25-hodździem stvareńnia padatkovaj słužby.
«Mocnaja padatkovaja palityka — važny elemient ekanamičnaj biaśpieki krainy. Mienavita padatkovaj słužbie daručana hanarovaja i adkaznaja misija napaŭnieńnia biudžetu dla realizacyi dziaržaŭnych funkcyj», — havorycca ŭ vinšavańni.
Biełaruski kiraŭnik miarkuje, što zadača rabotnikaŭ padatkovaj słužby — zrabić padatkaabkładańnie prostym i zrazumiełym dla nasielnictva, biźniesu i dziaržaŭnych orhanaŭ. «Vy farmirujecie ŭ hramadzian razumieńnie i bieražlivaje staŭleńnie da ahulnadziaržaŭnych patreb. Zabieśpiačeńnie prazrystaści i stabilnaści ŭ padatkovaj śfiery — nieadjemnaja ŭmova pavyšeńnia efiektyŭnaści ŭsioj nacyjanalnaj ekanomiki», — padkreśliŭ Łukašenka.
«Rabotnik padatkovych orhanaŭ — hanarovaje zvańnie, tamu, abaraniajučy nacyjanalnyja ekanamičnyja intaresy, vy pavinny vyznačacca sumlennaściu, pryncypovaściu i patrabavalnaściu, najpierš da siabie», — zajaviŭ Łukašenka.
