Fota sk.gov.by.
Jak paviedamili va ŭpraŭleńni Śledčaha kamiteta pa Viciebskaj vobłaści, navučency PTV z abłasnoha centra vyrašyli padzarabić, ale dla hetaha abrali zabaronienuju schiemu. U Rasii jany nabyvali spajsy, a ŭ Biełarusi ich rasfasoŭvali i pradavali. Pakupnikoŭ šukali siarod svaich adnahrupnikaŭ, byłych adnakłaśnikaŭ, znajomych. Kali tyja pahadžalisia, im davali numar telefona, śpiecyjalna padklučany da takoha «biznesu». Dalejšyja kantakty vialisia praz sms-paviedamleńni. Apłata adbyvałasia praz elektronnyja sistemy, a spajsy pakidali ŭ zakładkach. Zakłaŭšy sumiesi dla paleńnia, na numar pakupniku prychodziła paviedamleńnie ź miescam.
«Abodva abvinavačanyja niepasredna na momant pačatku złačynnaj dziejnaści źjaŭlalisia niepaŭnaletnimi, raniej nie mieli sudzimaści, adnak nieadnarazova pryciahvalisia da administracyjnaj adkaznaści, pa miescy žycharstva i vučoby charaktaryzavalisia vielmi admoŭna. U pieryjad papiaredniaha śledstva dačynieńnie da ździajśnieńnia złačynstva pryznavali tolki častkova, sprabavali paźbiehnuć adkaznaści, vysoŭvajučy roznyja abaronnyja viersii», — paviedamiła pradstaŭnik USK pa Viciebskaj vobłaści Ina Harbačova.
Chłopcam ciapier pahražaje ad 8 da 15 hadoŭ kałonii.
