U Kitajska-biełaruskim industryjalnym parku «Vialiki kamień» płanujecca arhanizavać vysokatechnałahičnuju vytvorčaść na asnovie biełaruskaha lonu. Pra heta paviedamiŭ siońnia žurnalistam namieśnik ministra ekanomiki Biełarusi Alaksandr Jarašenka ŭ čas kitajska-biełaruskaha forumu pa handlova-ekanamičnym supracoŭnictvie z pravincyjaj Cynchaj (KNR).
Adno sa znakavych pahadnieńniaŭ, jakoje było padpisana siońnia na forumie, — ab supracoŭnictvie pamiž Administracyjaj Kitajska-biełaruskaha industryjalnaha parka «Vialiki kamień», AAT «Cynchajskaja hrupa Sunglow» i SZAT «Kampanija pa raźvićci industryjalnaha parka» ŭ halinie miedycyny, tekstylu i fotaelektryčnaści. «Płanujecca raźvivać vytvorčaść, asnovaj jakoj budzie biełaruski lon. Kitajski bok hatovy razhledzieć mahčymaści finansavańnia pasievaŭ, uborki lonu, kab atrymlivać z hetaj pradukcyi lekavyja preparaty pa kitajskich technałohijach, a taksama ekspartavać hety pradukt, u tym liku pierapracavany ŭ vyhladzie lnianoha aleju, u KNR», — rastłumačyŭ Alaksandr Jarašenka.
Namieśnik ministra adznačyŭ, što akcent u industryjalnym parku płanujecca zrabić na stvareńni vysokatechnałahičnych vytvorčaściej inavacyjnaj pradukcyi, kab jany dali šturšok raźvićciu biełaruskaj ekanomiki i prasoŭvańniu pradukcyi na jeŭrazijski, jeŭrapiejski i inšyja rynki.
Jašče adzin pierśpiektyŭny napramak, jaki płanujecca aktyŭna raźvivać, - heta łahistyka. «My cudoŭna razumiejem, što prychod kitajskaha tavaru ŭ Biełaruś i naadvarot budzie ekanamična vyhadnym, kali budzie naładžana mienavita taja łahistyka, jakaja daść mahčymaść minimizavać vydatki pastavak. Tamu ŭ łahistycy ŭ tym liku zaklučajecca asnova našaha ŭzajemavyhadnaha supracoŭnictva», — rastłumačyŭ jon.
