Epidemija karona-virusa blizkaŭschodniaha reśpiratornaha sindromu ŭ Paŭdniovaj Karei spynienaja, zajavili pradstaŭniki ŭrada krainy na sustrečy z zamiežnymi dypłamatami ŭ paniadziełak, 20 lipienia, paviedamlaje ahienctva Yonhap.
U MZS Paŭdniovaj Karei zajavili, što na praciahu dvuch tydniaŭ u krainie nie było zarehistravana ni adnaho vypadku zaražeńnia karona-virusam MERS. U ministerstvie taksama adznačyli, što ciapier virus pieramožany paŭsiudna ŭ Karei i ŭ krainie bolš niama pahrozy dla turystaŭ.
Blizkaŭschodni reśpiratorny sindrom (MERS) — zapalenčaje zachvorvańnie orhanaŭ dychańnia, jakoje vyklikaje virus rodu Betacoronavirus. Pieršyja vypadki zaražeńnia byli zarehistravanyja ŭ Saudaŭskaj Aravii ŭ 2012 hodzie, a praz try hady jany byli zafiksavanyja ŭžo ŭ 23 krainach. Apošniaja infarmacyja pra pamierłych ad zachvorvańnia ŭ Paŭdniovaj Karei pastupała 8 lipienia. Ahulnaja kolkaść zahinułych u vyniku epidemii ŭ krainie na dadzieny momant składaje 35 čałaviek.
