Sud nad členam Abjadnanaj hramadzianskaj partyi Alinaj Litvinčuk adbudziecca 24 lipienia ŭ Leninskim rajonnym sudzie Bresta, paviedamlaje pres-słužba arhanizacyi.
Litvinčuk zatrymali na vakzale Bresta, kali na ciahniku jana pryviezła paśviedčańni členaŭ inicyjatyŭnaj hrupy pa vyłučeńni kandydatam u prezidenty staršyni AHP Anatola Labiedźki.
U rajonnym adździele milicyi na Litvinčuk skłali pratakoł ab administracyjnym parušeńni pa art. 22.9 KoAP za supracoŭnictva ź niezarehistravanym srodkam masavaj infarmacyi, a mienavita: «Radyjo Racyja». Paśla składańnia pratakoła jaje vyzvalili.
U adździaleńni milicyi Litvinčuk praviała try hadziny. Na heta čas u jaje byŭ pryznačany schod členaŭ inicyjatyŭnaj hrupy dla atrymańnia paśviedčańniaŭ.
Labiedźka ličyć zatrymańnie Litvinčuk pravakacyjaj. «Liču, što zdareńnie — sproba ŭnieści virus strachu ŭ našu kamandu», — zajaviŭ jon.
