Z-za navalnicy i mocnaha vietru 23 lipienia na terytoryi Biełarusi byli abiastočanyja 756 nasielenych punktaŭ, paviedamlaje MNS sa spasyłkaj na DVA «Biełenierha».
Pa stanie na 6.00 24 lipienia biez elektrazabieśpiačeńnia zastavaŭsia 21 nasieleny punkt.
Ad vietru, paryvy jakoha dasiahali 21 mietra za siekundu, paciarpieli 42 nasielenyja punkty ŭ Homielskaj (Lelčycki rajon), Hrodzienskaj (Navahrudski, Zelvienski, Słonimski, Vaŭkavyski) i Minskaj (Vałožynski, Lubanski, Minski i Puchavicki) abłaściach. Tut paškodžanyja dachi 49 žyłych damoŭ i 91 sielskahaspadarčaha budynka.
Pavodle źviestak Respublikanskaha centra pa hidramietearałohii, kantroli radyjeaktyŭnaha zaražeńnia i manitorynhu navakolnaha asiarodździa, 23 lipienia na mieteastancyi «Žytkavičy» z 18.05 da 18.35 vypała 34,5 mm apadkaŭ (pry siaredniamiesiačnaj normie 85 mm). Padtapleńniaŭ terytoryi nie adbyłosia, paciarpiełych niama.
23 lipienia ŭ 15.37 ad paryvu vietru ŭpała dreva na kantaktnyja pravady puciej pierahonu Dubravy — Maładziečna kala vioski Viazynka.
U vyniku paškodžańnia byŭ pierapynak u ruchu (da adnoj hadziny) dvuch elektraciahnikoŭ Minsk — Maładziečna i adnaho elektraciahnika Maładziečna — Minsk. Ratavalniki rasčyścili puci. Paciarpiełych niama.
