U suviazi z asfaltavańniem vulicy Hareckaha na ŭčastku ad vulicy Mazurava da vulicy Šaranhoviča na čas praviadzieńnia rabot i abmiežavańnia ruchu 25 i 26 lipienia ŭnosiacca źmianieńni ŭ rabotu haradskoha pasažyrskaha transpartu, paviedamili na dziaržaŭnym pradpryjemstvie «Minsktrans».
Tralejbusy № 25 i № 52 admianiajucca. Uzamien arhanizujecca praca časovych aŭtobusnych maršrutaŭ — № 925 «Dyśpietčarskaja stancyja (DS) «Kuncaŭščyna» — DS «Malinaŭka-4» i № 952 «DS «Malinaŭka-4» — DS «Kuncaŭščyna» pa trasach i raskładach vychadnoha dnia tralejbusnych maršrutaŭ № 25, № 52 adpaviedna.
Taksama 25 i 26 lipienia ŭnosiacca źmianieńni ŭ pracu haradskoha pasažyrskaha transpartu ŭ suviazi z asfaltavańniem prajezdu vulicy Siamaški ad stancyi mietro «Piatroŭščyna» da vulicy Karalinskaj. Tak, ruch tralejbusaŭ maršrutu № 31 arhanizujecca da stancyi mietro «Michałova» z razvarotam na transpartnaj raźviazcy praśpiektaŭ Žukava — Dziaržynskaha.
Aŭtobus № 57 budzie kursiravać u napramku vuł. Siamaški bieź źmianieńniaŭ, u zvarotnym napramku ad prypynačnaha punkta «9-ja balnica» — pa vulicach Siamaški, Karalinskaj, Čurlonisa, praśpiekcie Dziaržynskaha, vulicy Čyhunačnaj i dalej pa maršrucie z vykanańniem na źmienienym učastku prypynačnych punktaŭ «Siamaški», «Mieduniviersitet».
Aŭtobusy № 103, № 150 ad dyśpietčarskaj stancyi «Paŭdniovy Zachad» buduć kursiravać pa vulicy Hołubieva, praśpiekcie Dziaržynskaha, vulicy Čurlonisa, miascovym prajeździe (pamiž vulicami Čurlonisa i Karalinskaj), vulicach Karalinskaj, Jasienina i dalej pa maršrutach u abodvuch napramkach z vykanańniem na źmienienym učastku prypynačnaha punkta «Stancyja mietro «Piatroŭščyna».
