Na hetym tydni vajskovy fłot ZŠA raspavioŭ pra svaju novuju zbroju — bieśpiłotnik, jaki možna zapuskać z-pad vady, z padvodnych łodak, piša dailymail.co.uk.
Pad kaniec vyprabavańniaŭ dron viarnuŭsia da ŭdarnaj padłodki i byŭ znoŭ załadavany na jaje bort.
Atamnaja padłodka «Paŭnočnaja Dakota», jakaja pravodziła vyprabavańni padvodnaha bieśpiłotnika
«Navukoŭcy paličyli, što my možam heta zrabić. I my vyjšli i zrabili heta», — skazaŭ kamandzir karabla kapitan Duhłas Hordan paśla viartańnia na bazu.
Zapusk byŭ ažyćcioŭleny sa śpiecyjalnaha schovišča na vierchniaj pałubie submaryny, jakoje taksama moža vykarystoŭvacca dla vychadu z-pad vady śpiecnazaŭcaŭ i vadałazaŭ.
Płanujecca vykarystoŭvać bieśpiłotniki z roznym načyńniem dla marskoj raźviedki i navat dla baraćby z varožymi padłodkami.
Taksama bieśpiłotniki ekanomiać resursy, hrošy i čas dla kłasičnych karablej, jakija mohuć praź ich kantralavać bolšy rajon akijana.
