 |
Amal što 76 tysiač vypadkaŭ zachvorvańnia biełarusaŭ na hryp i vostryja respiratornyja virusnyja infiekcyi było zarehistravana ŭ kantrolnych haradach za apošni tydzień (z 18 pa 24 lutaha).
Pa stanie na 25 lutaha epidemičny paroh pa‑raniejšamu byŭ pieravyšany ŭ 10 kantrolnych haradach i na 32 administracyjnych terytoryjach. Da «hrypujučych» terytoryj dałučylisia na minułym tydni Orša i Navapołack, a taksama Žłobinski, Čačerski, Lepielski i Loźnienski rajony. A vyjšli z epidemii Ašmianski i Čerykaŭski rajony. Pa pryčynie adsutnasci bolš jak 30 pracentaŭ navučencaŭ vučebny praces zaraz spynieny ŭ 37 ustanovach adukacyi (u Baranavičach, Viciebsku, Minskim, Červieńskim, Kruhlanskim, Pinskim, Pastaŭskim i Lepielskim rajonach).
U stalicy na minułym tydni nazirałasia pastupovaje źmianšeńnie kolkasci minčan, što zachvareli na prastudu — usiaho było zarehistravana bolš jak 27 tysiač zvarotaŭ haradžan u miedycynskija ŭstanovy, što na 15 pracentaŭ mienš, čym za papiaredni tydzień. Adnak epidemičny paroh usio roŭna byŭ u Minsku pieravyšany. Usiaho z pačatku epidemičnaha padjomu na hryp i prastudu ŭ stalicy zachvareli 151 tys. minčan, što składaje 8,4 pracenta ad ahulnaj kolkasci nasielnictva.
