Biełaruś pavialičyła pastaŭki bienzinu ŭ Rasijskuju Fiederacyju. Hetu infarmacyju paćvierdziŭ siońnia žurnalistam namieśnik ministra zamiežnych spraŭ Biełarusi Alaksandr Hurjanaŭ.
Namieśnik ministra nahadaŭ, što pamiž partniorami dziejničaje pahadnieńnie, zhodna ź jakim Rasija pastaŭlaje Biełarusi naftu, a jana ŭ svaju čarhu ekspartuje ŭ RF naftapradukty.
«Siońnia ŭ suviazi z roznymi situacyjami krychu pavialičyŭsia popyt na paliva na rynku Rasijskaj Fiederacyi, — adznačyŭ Alaksandr Hurjanaŭ. — Zrazumieła, padtrymlivajučy zapyty našych rasijskich kaleh, my naroščvajem ekspart». Pry hetym namieśnik ministra padkreśliŭ: «Tut my pierš za ŭsio zychodzim z rynačnaj situacyi - kali ekanomika dazvalaje nam pastaŭlać dadatkovyja abjomy, my hetym zajmajemsia».
Zhodna ź indykatyŭnym bałansam paliŭna-enierhietyčnych resursaŭ na 2015 hod, Rasija pavinna pastavić u Biełaruś 23 młn t nafty. U svaju čarhu Biełaruś pavinna pastavić u Rasiju 1,8 młn t aŭtamabilnych bienzinaŭ.
