Słužba biaśpieki Ukrainy pazbaviła akredytacyi brytanskuju žurnalistku Kici Łohan za toje, što jana «padbuchtorvała» uzbrojenych prychilnikaŭ «ŁNR» stralać pa ukrainskich vajennych, zajaviła pres-sakratar SBU Alena Hitlanskaja.
dw.de
«Taksama razhladajecca pytańnie ab zabaronie jaje ŭjezdu na terytoryju Ukrainy», — napisała Hitlanskaja ŭ «Fejsbuku».
Nahodaj staŭ zapis Łohan ŭ toj ža sacsietcy, skrynšoty jakoj raspaŭsiudzilisia va ŭkrainskim siehmiencie internetu. U SBU zapis žurnalistki vytłumačyli jak śviedčańnie taho, što maštabnaja pierastrełka pamiž bakami pačałasia z-za jaje pryzyvu da adkryćcia ahniu.
U zapisie, dastupnym tolki dla «siabroŭ», Łohan apisała situacyju, kali kamandzir tak zvanaj «ŁNR» spytaŭ u jaje, ci adkryć jamu ahoń, kab žurnalisty zaśniali heta na kamieru. Jana vahałasia, ale kamandzir skazaŭ: «Nam usio roŭna treba ich abstralać, jany nas užo abstrelvali».
«O, okiej, nu tady čamu b nie», — napisała Łohan, a paźniej dadaŭła, što adčuvaje siabie trochi vinavataj.
Paźniej u «Tvitary» Łohan napisała, što hladzić na padziei ź niejtralnaha punktu hledžańnia i nikoli nie paprasiła b kaho-niebudź adkryć ahoń.
Łohan, jakaja raniej pracavała na Sky News, u ciapierašni čas źjaŭlajecca fryłansieram.
