Historyja z studentami-indusami homielskaha VNU, jakija zapisalisia u BeReSeM, nie moža pakinuć abyjakavym. A što kali pa viartańni na radzimu niechta z smuhłaskurych łukamolcaŭ, jak toj Maŭhli, zhubicca ŭ džunhlach i budzie žyć siarod źviaroŭ?
Zbory zhrai vaŭkoŭ kala Skały rady.
Tyhr Šer-Chan: Volnyja vaŭki! Addajcie mnie čałaviečaje dzicia! Heta maja zdabyča!
Častka zhrai pierabiahaje na bok Šer-Chana, skandujučy: "Jon - dzicia čałavieka! Nam nie patrebna dzicia čałavieka!".
Pantera Bahira: tavaryš Maŭhli, pračniciesia: tavaryš Maŭhli, pračniciesia.
Maŭhli (prasynajučysia): A! Što? Dzie! prabačcie: paśla doŭhich časoŭ, praviedziennych na lekcyjach palitinfarmacyi ŭ homielskim VNU, ja časta zasynaju na zborach. Što zdaryłasia - mitynh indyvidualnych drapiežnikaŭ?
Miadźviedź Bału: vaŭki źbirajucca vyklučyć ciabie z zhrai i addać Šer-Chanu na łanč.
Maŭhli: Koščyn kot! Napiaredadni hetkaha adkaznaha mierapryjemstva - Mižpadvidavy festyval maładniaka i aposumaŭ, prychodzica zajmacca takoj fihnioj.
Akieła (pravadyr zhrai): jość dumka - vyklučyć ciabie z zhrai, pakolki my i ty roznaj kryvi.
Maŭli: Pryjechali! Akieła, što ty niasioš - jak možna vyklučać siabra arhanizacyi Banderłohaŭski respublikanski sajuz moładzi? I što heta za tupyja najezdy - ty dzicia čałavieka! Ty mianie pa sutnaści pytajsia: ci ja braŭ udzieł u akcyjach apazycyi, ci pavažaju ja pravadyra, ciabie kankretna, što ja dumaju nakont siońniašniaj sacyjalna-ekanamičnaj sytuacyi ŭ džunhlach?.
Vołk Akieła: nu cipa i što ty dumaješ?
Maŭhli: dyk voś džunhli znachodziacca ŭ stanie dynamičnaha rostu. Rastuć dachody žyvioły. Pryniataja sacyjalnaja žyllovaja prahrama: naradziŭ dziesiać dziacionyšaŭ - atrymaj naru. Jość, naturalna, niekatoryja niedachopy: jašče nia ŭsie vychodziać na načnoje palavańnie ź flikierami. Adnak u pryncypie možna skazać, što dziakujučy mudraj palityki pravadyra stai Akieły, ŭ nas sfarmavalisia stabilnyja niezaležnyja džunhli. I absalutna śmiešna słuchać zajavy niekatorych pradstaŭnikoŭ siamiejstva kašečych: "Akieła pramachnuŭsia! Akieła pramachnuŭsia! Zhrai patrebny novy pravadyr». Akieła nie pramachnuŭsia, a pravodziŭ na toj momant šmatvektarnuju palityku. Jašče jość pytańni?
Akieła: byccam nie.
Maŭhli: nu i cudoŭna - a ciapier słuchać instrukcyju: raznaradka pa zhrajach, tabunach i kalonijach na fłeš mob suprać nielehalnaj mihracyi pieralotnych ptušak. Chto nia pryjdzie - raźmiarkuju ŭ pustyniu Hobi. Heta kažu Vam ja - Maŭhli, siabra BRSM.
