Niamiecki hurt Tokio Hotel daść kancert u minskim Prime Hall 8 listapada.
Arhanizatary śćviardžajuć, što kolišni kumir ema dahetul papularny, a kvitki na kancerty ŭ inšych haradach imhnienna raspradajucca. Chutka raspradalisia i pieršyja dźvie sotni kvitkoŭ z zakrytaha prodažu na minski kancert (adkryty prodaž jašče nie startavaŭ). Papiarednie paviedamlajecca, što kvitki ŭ Prime Hall buduć kaštavać ad 650 tysiač.
Na pačatku «nulavych» Tokio Hotel hrali ciažkuju alternatyvu, mnohija słuchačy i krytyki nazyvali ich styl ema. U tyja časy chłapcoŭ z hurtu časta prymali za dzieŭčyn praź śpiecyfičny styl adzieńnia. Z taho času mnohaje źmianiłasia: ciapier Tokio Hotel heta pop z «elektronščynaj».
Dy i chłopcy stali vyhladać bolš mužna.
Źleva — tady, sprava — ciapier. Fota: cue-group.co.jp/edgecastcdn.net
Biełaruś Tokio Hotel naviedajuć u miežach turu ŭ padtrymku albomu 2014 hoda «Kings of Suburbia» — samaha lohkaha albomu za čas svajho isnavańnia, pieršaj vyklučna anhłamoŭnaj płytki (raniej hurt vydavaŭ albom pa-niamiecku i zatym pieravydavaŭ anhłamoŭnuju viersiju).
