U suviazi z nadychodam śpiakotnaha nadvorja z 5 žniŭnia ŭvodzicca zabarona na naviedvańnie lasoŭ pa ŭsioj Hrodzienskaj vobłaści, paviedamlajecca na sajcie Ministerstva lasnoj haspadarki.
Zabarona na naviedvańnie lasoŭ praz vysoki kłas pažarnaj niebiaśpieki taksama dziejničaje pa ŭsioj Bresckaj vobłaści, u asobnych rajonach Homielskaj i Minskaj abłaściej. U inšych miescach naviedvańnie lasoŭ pakul dazvolenaje.
Zabarony pakul nie začapili Viciebskuju i Mahiloŭskuju vobłaści.
Pra inicyjavańnie lashasami zabarony na naviedvańnie lasoŭ Minlashas paviedamlaŭ 3 žniŭnia sa spasyłkaj na daručeńnie ministra. Z pačatku siezonu ŭ Biełarusi zafiksavana bolš za paŭtysiačy lasnych pažaraŭ na ahulnaj płoščy ŭ amal 5 tysiač hiektar.
Taksama płanujecca pieranos adkryćcia siezonu palavańnia na šerah ptušak, zapłanavanaha na 8 žniŭnia.
Na pieryjad zabarony naviedvańnia lasoŭ apuskajucca šłahbaŭmy na źjezdach z daroh, zabaraniajecca prybyvańnie ŭ lasach i ŭjezd na miechaničnych transpartnych srodkach u lasy i na tarfianiki, zabaraniajecca raspalvańnie vohniščaŭ ŭ lasach i na tarfianikach.
