Fota z asabistaha archiva mastački
Tvorčaja inicyjatyva bieraściejki ŭvasobiłasia ŭ žyćcio dziakujučy konkursu na stvareńnie haradskich instalacyj i małych architekturnych formaŭ, jaki pravodziŭsia pad ehidaj ahienctva rehijanalnaha raźvićcia «Dziedzič». Z dasłanych prac žury adabrała dziasiatku lepšych dla nastupnaha ich uvasableńnia na vulicach horada.
Prajekt «Viasiołyja luki» — pieršy, jaki byŭ realizavany. Jaho aŭtarka, mastačka Ina Bołundź, raspaviała, što ideju jana znajšła ŭ internecie.
«Ja prapanoŭvała nie tolki luki, ale z taho, što ŭchvalili, zastalisia tolki jany», — patłumačyła jana.
Paśla ŭchvaleńnia mastačka pačała pracu. Pavodle ŭmoŭ nieabchodna było da 1 žniŭnia razmalavać nie bolš za 20 kanalizacyjnych lukaŭ pablizu dziciačych placovak horada.
«My pracavali ŭ asnoŭnym u novabudoŭlach, tamu što ŭ centry luki raskidanyja, a ŭ mikrarajonach jany hrupkami byli», — patłumačyła aŭtar idei.
Na hetym pakul prajekt zaviaršajecca. Adnak Ina tłumačyć, što z zadavalnieńniem jaho b praciahnuła: «Heta ŭžo nie ad mianie zaležyć, a ad adździeła architektury i horadabudaŭnictva. Kali prapanujuć, ja abiedźviuma rukami za».
