Žycharu Maskoŭskaha rajona stalicy tak mocna pieraškadžali susiedzi, što jon vyrašyŭ paviedamić u milicyju ab ich zabojstvie.
Jak paviedamiła pres-aficer Maskoŭskaha RUUS Aksana Bucajeva, dniom na pult dziažurnaha rajadździełu milicyi pastupiła paviedamleńnie ab znachodžańni trupa nieviadomaha mužčyny kala adnaho z žyłych damoŭ pa vuł. Vołacha.
«Mužčyna, jaki telefanavaŭ pa mabilnym telefonie, paviedamiŭ, što z voknaŭ svajoj kvatery bačyŭ, jak kala susiedniaha doma, kala adnaho z padjezdaŭ, adbyłosia zabojstva. Mužčyna patrabavaŭ, kab narad pryjechaŭ jak maha chutčej», - raspaviała pradstaŭnik RUUS.
Adnak u chodzie pravierki dadzienaja infarmacyja nie paćvierdziłasia, zabojstva nie było.
Jak akazałasia, takim čynam, mužčyna vyrašyŭ razahnać šumnych susiedziaŭ, jakija skupilisia na łavačcy pad jaho voknami. Jon paličyŭ, što milicyja pakaraje «parušalnikaŭ» jaho spakoju.
Adnak pravaachoŭniki pakarali nie viasiołych susiedziaŭ, a samoha «paciarpiełaha».
«Za zaviedama iłžyvaje paviedamleńnie ŭ dačynieńni da mužčyny składzieny administracyjny pratakoł pa art. 17.6 KaAP Respubliki Biełaruś, što ciahnie za saboj vypłatu štrafu ad čatyroch da piatnaccaci bazavych vieličyń», - padkreśliła Aksana Bucajeva.
