 Uładzimier Navumaŭ |
Alaksandar Kazulin, pavodle dziejnaha zakanadaŭstva, nia mieŭ prava na karotkaterminovy vodpusk. Pra heta zajaviŭ žurnalistam 29 lutaha ministar unutranych spraŭ Uładzimier Navumaŭ.
Pavodle jaho słoŭ, byłaja žonka, pa‑pieršaje, nie źjaŭlajecca, zhodna z zakanadaŭstvam, blizkim svajakom. Pa‑druhoje, Kazulin, mieŭ čatyry spahnańni, apošniaje ź jakich — za niesankcyjanavanaje karystańnie telefonam, pryčym, jak zaznačyŭ ministr, pakarańnie za heta panios nia tolki A.Kazulin, ale i čatyry supracoŭniki administracyi papraŭčaj ustanovy, jakija dapuścili «hrubaje parušeńnie režymu».
«Kali brać z boku zakanadaŭstva, to nie było nijakich kryteryjaŭ u jaho (Kazulina) bok. Ale pryniali takoje rašeńnie navat nie vyklučna, a nasupierak dziejnamu zakanadaŭstvu», — zajaviŭ U.Navumaŭ.
Nahadajem, rašeńnie ab vodpusku Alaksandru Kazulinu było pryniata praz dvoje sutak paśla śmierci jaho žonki Iryny Kazulinaj. Kala 1 hadziny nočy 26 lutaha jaho pryvioz dadomu ŭ Miensk načalnik kalonii Vital Ahniścikaŭ. Dla raźvitańnia z žonkaj Kazulin mieŭ karotkaterminovy vodpusk sustreču terminam na troje sutak.
