Śviatłafor koštam 2 miljony rasijskich rubloŭ (500 młn biełaruskich), jaki pracuje ŭpustuju na pustcy ŭ Jarasłaŭli, byŭ znojdzieny členami rehijanalnaha adździaleńnia Abjadnańnia narodnaha frontu, piša ria.ru.
Pavodle infarmacyi ANF, členy jakoha praviali manitorynh stanu aŭtamabilnych daroh u Jarasłaŭli, śviatłafor pracuje faktyčna na pustcy, dzie ŭ 2014 hodzie płanavałasia pabudavać darohu. Niahledziačy na toje, što praź niedachop finansavańnia hetaja ideja zastałasia na papiery, śviatłafor ŭsio roŭna źjaviŭsia ŭ miescy mierkavanaha pierasiačeńnia vulicy Budaŭnikoŭ z vulicaj Babiča.
Jak havorycca ŭ paviedamleńni haradskich uładaŭ, śviatłafor škody haradskomu biudžetu nie prynosić, bo spažyvańnie elektraenierhii niaznačna za košt vykarystańnia śviatłodyjodnych lampaŭ.
«Zatoje kali abjekt znachodzicca pad napruhaj — heta harantyja, što śviatłafor nie skraduć,
a jak pakazvaje praktyka, u horadzie takija vypadki niaredkija», - pryvodziacca słovy čynoŭnika Ihara Šaronava.