11 žniŭnia ŭ Homielskim abłasnym kliničnym skurna-vienierałahičny dyspansiery adbyłosia zabojstva. Jak paviedamiła aficyjny pradstaŭnik USK pa Homielskaj vobłaści Maryja Kryvanohava, adna z pacyjentak ŭstanovy achovy zdaroŭja zabiła 45-hadovaha mužčynu, jaki taksama prachodziŭ tut lačeńnie.
Padazravanaja — 29-hadovaja žycharka Łojeva, zabity — žychar Homiela. Padazravanaja spasyłajecca na toje, što była pjanaja i ničoha nie pamiataje.
Pavodle papiaredniaj infarmacyi, viečaram 11 žniŭnia pacyjenty sustrelisia na leśvičnaj placoŭcy pamiž piatym i šostym paviercham dyspansiera i pasvarylisia. Žančyna naniesła svajoj achviary nažom niekalki ranieńniaŭ u hrudzi i pajšła da siabie ŭ pałatu. Mužčyna spuściŭsia na piaty pavierch i paprasiŭ u miedpiersanała dapamohi, ale vyratavać jaho ŭžo nie ŭdałosia.
Viadziecca śledstva.
