U Minsku na sajt «Naš horad» možna budzie prysyłać fotazdymki ab niedachopach u pracy haradskich słužbaŭ. Ab hetym paviedamiŭ 12 žniŭnia na pres-kanfierencyi ŭ Minsku pieršy namieśnik staršyni Minharvykankama Uładzimir Kucharaŭ.
Pavodle jaho słoŭ, płanujecca, što sajt zapracuje da kanca hetaha hoda. «My stvarajem sajt dla taho, kab maksimalna apieratyŭna reahavać na niejkija niazručnaści, jakija stvarajucca dla žycharoŭ horada. Kamunalnym słužbam niemahčyma trymać pad kantrolem kožny mietr u horadzie. Tamu nam hetuju infarmacyju chaciełasia b atrymlivać jak možna bolš apieratyŭna», — skazaŭ Kucharaŭ.
Jon adznačyŭ, što luby čałaviek moža z mabilnaha telefona prysłać fotazdymki niedachopaŭ.
«Naprykład, pravaliŭsia luk. Jon sfatahrafavaŭ i skinuŭ na hety sajt ź infarmacyjaj ab miescy. Tady infarmacyja apieratyŭna apracoŭvajecca i prychodzić da vykanaŭcy, jaki pavinien ustaranić niedachop u maksimalna ścisłyja terminy, zrabić fatahrafiju i vystavić pobač z papiarednim zdymkam», — adznačyŭ pieršy namieśnik kiraŭnika Minharvykankama.
Na jaho dumku, heta dapamoža skaracić kolkaść papiarovych zvarotaŭ i adkazaŭ na ich. «Kab abaznačyć prablemu, mnohija minčanie pačynajuć telefanavać abo piśmova źviartacca. Pakul list pryjšoŭ, prajšoŭ pa instancyjach, pakul razhledzieli, adkazali. Na heta patrabujecca davoli šmat času i vialikaja kolkaść papiery. Ciapier nie budzie nieabchodnaści vieści papiarovuju pracu, a čałaviek u maksimalna karotki čas daść sihnał i atrymaje adkaz na jaho bieź lišnich zatrat», — ličyć Kucharaŭ.
Jon taksama adznačyŭ, što buduć ukaraniacca kampjutarnyja technałohii i ŭ atrymańni zajavak na akazańnie kamunalnych pasłuh.
