Pry sabie palak mieŭ: pradukty charčavańnia, identyfikacyjnuju kartu RP, bankaŭskuju kartu i hrašovyja srodki ŭ sumie 63 złotych RP. Jak rastłumačyŭ 35-hadovy mužčyna, jon pierasiok biełaruska-polskuju miažu naŭmysna, u pošukach lepšych umoŭ žyćcia i pracaŭładkavańnia ŭ budaŭničaj haliny na terytoryi Respubliki Biełaruś, paviedamlaje pres-słužba Bresckaj Čyrvanaściažnaj pamiežnaj hrupy imia Dziaržynskaha.
Vyśvietliłasia, što mužčyna ŭžo viadomy bresckim pamiežnikam: u mai hetaha hoda jon taksama niezakonnym šlacham pierasiakaŭ miažu pamiž Polščaj i Biełaruśsiu. U minuły raz na jaho było nakładziena administracyjnaje spahnańnie ŭ vyhladzie papiaredžańnia z departacyjaj ź Biełarusi terminam na hod. Adnak, jaho nie źbiantežyła toje, što termin departacyi jašče nie minuŭ i mužčyna rašyŭsia na paŭtorny «ryvok» praź miažu.
U vyniku zamiežny hramadzianin aformleny parušalnikam miažy. U ciapierašni čas vyrašajecca pytańnie ab uzbudžeńni kryminalnaj spravy za paŭtornaje na praciahu hoda parušeńnie dziaržmiažy.
