Jak paviedamili ŭ «Homielkinavideaprakacie», z 16 lipienia pa 5 žniŭnia zamiežnaje pryvatnaje ŭnitarnaje pradpryjemstva «Interfilm Dystrybjušn» pravodziła konkurs siarod hledačoŭ filma «Haraskop na ŭdaču» na ŭsioj terytoryi Biełarusi.
Režysior ramantyčnaj kamiedyi — Arman Hievarhian, scenarysty — Andrej Kurejčyk, Siarhiej i Darja Tarčyliny.
Pavodle ŭmoŭ konkursu, treba było nabyć u biełaruskich kinateatrach bilet na kamiedyju «Haraskop na ŭdaču» i zarehistravacca na sajcie kampanii.
U rekłamnaj hulni ŭdzielničała 859 čałaviek. Pieramahła ŭ konkursie maładaja žycharka Homiela Ija Kryštapovič, jakaja nabyła bilet u kinateatry «Mir» i stała ŭładalnicaj pucioŭki na dvuch čałaviek u Jehipiet z adkrytaj dataj (vierasień—śniežań 2015 hoda). Košt pucioŭki — 28 miljonaŭ 100 tysiač rubloŭ.
