U suśvietnaj praktycy zbližeńnie piensijnaha ŭzrostu mužčyn i žančyn — adna z umoŭ dasiahnieńnia hiendarnaj roŭnaści.
Pra heta paviedamiła ŭ intervju BiełTA ministr pracy i sacyjalnaj abarony, novy staršynia Biełaruskaha sajuza žančyn Marjana Ščotkina.
Piensijny ŭzrostavy paroh dla biełarusak amal na 10 hadoŭ nižejšy, čym u bolšaści krain Jeŭropy i śvietu. Tak, siaredni piensijny ŭzrost u Jeŭropie — 65 hadoŭ (u Hiermanii — 67, u Danii — 69, u Italii — 68, u Bałharyi — 63 hady).
Na dumku Maryjany Ščotkinaj, 55 hadoŭ — aktyŭny i praduktyŭny ŭzrost, jaki ŭ sučasnych umovach składana suadnieści ź niepracazdolnaściu.
«U Biełarusi ŭ 2014 hodzie čakanaja praciahłaść žyćcia dla žančyn, jakija dasiahnuli 55 hadoŭ, składaje 26 hadoŭ, u toj čas jak dla mužčyn, jakija dasiahnuli ŭzrostu 60 hadoŭ, — 15,5 hoda. Siaredni ŭzrost pracujučych žančyn — 41 hod, mužčyn — 41,6 hoda, i heta pry piacihadovaj roźnicy va ŭzroście vychadu na piensiju, — skazała ministr. — Bolšaść žančyn paśla dasiahnieńnia piensijnaha ŭzrostu mohuć i chočuć pracavać, im mała być zapatrabavanymi tolki doma. Pa statystycy, u ekanomicy krainy pracujuć 15% žančyn va ŭzroście za 55 hadoŭ (a heta, miž inšym, kožnaja siomaja pracujučaja žančyna). Razam z tym treba ŭličvać sacyjalnyja i ekanamičnyja ŭmovy, jakija skłalisia ŭ krainie, nacyjanalnyja tradycyi i mientalitet».
Piensijny paroh u 55 hadoŭ — heta svojeasablivy bonus žančynie za nieapłatnuju chatniuju pracu, pohlad členaŭ siamji i vychavańnie dziaciej. Rašeńnie pa hetym pytańni pavinna być uzvažanym, reziumavała surazmoŭca.
