Uładzimir Pucin u rajonie Sievastopala apuściŭsia ŭ batyskafie na 83-mietrovuju hłybiniu da patanułaha staražytnaha karabla.
Pareštki karabla, datavanaha X—XI stahodździami našaj ery, byli znojdzienyja ŭ mai 2015 hoda niedaloka ad uvachodu ŭ Bałakłaŭskuju buchtu.
Raniej Pucin užo apuskaŭsia — taksama na batyskafie — u 2013 hodzie ŭ Finskim zalivie, dzie byŭ znojdzieny patanuły ŭ 1869 parusny vintavy frehat «Aleh», i ŭ akvałanhu ŭ 2011 hodzie na dno Tamanskaha zaliva. Mnohija ŚMI nazvali tady heta pahhružeńnie pastanovačnym, paśla taho jak Pucin dastaŭ z dna dźvie amfary VI stahodździa.
U paniadziełak rasijski prezident prybyŭ u Krym, dzie pravioŭ pasiadžeńnie prezidyuma dziaržrady. Prezident Ukrainy Piatro Parašenka nazvaŭ vizit vyšejšaha kiraŭnictva Rasii na terytoryju aneksavanaha paŭvostrava vyklikam usiamu cyvilizavanamu śvietu, a ŭkrainski MZS nakiravaŭ Maskvie aficyjnuju notu pratestu.