Upraŭleńnie Departamienta finansavych rasśledavańniaŭ Kamiteta dziaržkantrolu pa Minskaj vobłaści i horadu Minsku zatrymała kiraŭnikoŭ troch bujnych staličnych kampanij, jakija vykarystoŭvali łžepradprymalnickija struktury dla ŭchileńnia ad padatkaabkładańnia. Biznesmieny źmiaščali ŭ buchhałtarski ŭlik ułasnych kampanij fiktyŭnyja dakumienty i takim čynam zanižali padatkovuju bazu. Adzin takim čynam prychavaŭ 1,4 młrd rubloŭ, druhi — 5,7 młrd, treci — 2,2 młrd.
U ramkach śpiecapieracyi KDK pravioŭ 12 vobšukaŭ, padčas jakich zabraŭ kampjutarnuju techniku i dakumienty, jakija naležali słužbovym asobam kampanijaŭ. U adnaho z zatrymanych biznesmienaŭ zabrali bolej za 1,2 młn dalaraŭ hatoŭkaj.
Aryštavanyja pradprymalniki paśpieli dobraachvotna kampiensavać dziaržaŭnamu biudžetu bolš za 7 młrd rubloŭ. Na ich zaviedzienyja try kryminalnyja spravy, śledstva pa jakich praciahvajecca, paviedamlajecca na sajcie Kamiteta dziaržkantrolu.
